नाती गोती

नातीगोती

 घरासारखे घर अन भिंती असती
नाही आता त्यामधे नाती गोती
आई आणि बाबा अन मुल दिसती
नाही कोणी मोठा  त्यांच्यासोबती(१)
घरी आल्यावर मुले सोबत मागती
आजी आजोबा सम कोणी नसती
आई बाबा सारखे लाड करीती
सोबतीला सवयींना खाद्य पुरविती(२)
आजी असती घरचे जेवण देती
नाही समजत नाती अन गोती
 जीवनाचे अर्थ सारे संपून गेले
उदासीपण आता जीवनात आले(३)
नाही नाती गोती  नाही जिव्हाळा
कधी कळणार आयुष्याचा ताळा
आपुल्या जगण्याला घाला आळा
कधी कळणार हे सत्य कुणाला(४)
सांभाळा आता आजीआजोबाला
जीवन होईल सुखी मंत्र हा नवा
जीवनाचे सार कोणा  समजले
त्यांच्या घरी नातीगोती आले(५)

                 सौ.शारदा चौधरी
      ठाणे मनपा शाळा क्रमांक९५