पाऊस पडतो ( अभंग)

पाऊस पडतो| ढग हा गर्जतो
धरतीचे मन | सुखावते
जमिन भिजते| सर्वांग सुंदर
मन होई तिचे |ओढ घेते
गाती झाडे पक्षी | गाणेही सुंदर
वेली लता वाढे| भरभर
फुले फळे येती|मधूर सुंगंध
पसरतो जगी| चोहिकडे
मन हे सुंदर | जग हे सुंदर
होईल हे जग | सामर्थ्याने

सौ.शारदा चौधरी ठाणे मनपा शाळा क्रमांक ९५

जीवनाचा खेळ

जीवनाचा खेळ| आयुष्याचा मेळ
परि सुख नाही | सर्वार्थाने
अंतरिचे मन| जाणिव नेणिव
जगी नाही खूण|कोणाचीही
करूया नमन| अशा जगण्याला
घालवू आयुष्य|  परिपूर्ण
जगावे सुंदर | मन हे सुंदर
करूया सार्थक | जीवनाचे
एेसे जिविताचे|मिळेल हे फळ
लागेल अविट | सत्कर्माने

सौ.शारदा चौधरी ठाणे मनपा शाळा क्रमांक ९५

हाक

*हाक*
बाबा परतोनि या हो तुम्ही
वाट पाहते मी छकुली (धृ)
आवाज तुमचा येता कानी
भास होतसे मजला मनी
कशी समजवू मजला हो
 ही हाक मारिते  तुम्हा हो (१)
बेटा हा शब्द  कानी पडता
मन हे रडते हाक मारता
कशी सय येते रोज तुमची
या ना हो तुम्ही परतोनि(२)
कौतुक  मजला वाटे तुमचे
रोज धडे हे शिकवणीचे
आठवण मज ती बालपणीची
या ना हो तुम्ही भेटाया  (३)
धडे हे तुमचे साठवणीचे
वाटे मजला अतिमोलाचे
शिकवण साधी  तुमची हो
समजायला ही सोपी हो(४)
अश्रू ही साथ देई मजला
कशी थांबवू मी डोळ्यांना
लेक लाडकी मी तुमची हो
या हो मज तुम्ही भेटाया(५)

सौ शारदा चौधरी ठाणे मनपा शाळा क्रमांक ९५

कणा

*कणा*
कणा मिळाला मजबूत
मायेचा अन छायेचा
कणा मिळाला भावाचा
प्रेमाचा अन आधाराचा
कणा मिळाला मैत्रीचा
सुखदुखाच्या जीवनाचा
कणा मिळाला साथीचा
प्रेमाचा अन त्यागाचा
कणा मिळाला वडाचा
आधार अन मजबूतीचा
कणा मिळाला समाजाचा
स्वातंत्र्य आणि समतेचा
कणा मिळाला भावनेचा
जीवन सुखी करण्याचा
कणा मिळाला नम्रतेचा
सद्गुणी बनुनी वागण्याचा
कणा मिळाला शिक्षकाचा
विद्यार्थी जीवन घडवण्याचा
 
 सौ.शारदा चौधरी ठाणे मनपा शाळा क्रमांक ९५

अपुल्या हातात काय असत?

*अपुल्या हातात काय असतं?*

फुलणं आणि फुलवणं अपुल्या हातात असत
जगणंआणि जगवणं  अपुल्या हातात असत
सजणं आणि सजवणं अपुल्या हातात असत
वागणं आणि वागवणं  आपुल्या हातात असत
उठणं आणि उठवणं अपुल्या हातात असत
काम करणं करवून घेणे अपुल्या हातात असत
चकणं आणि चकवणं अपुल्या हातात असत
वाढणं आणि वाढवणं अपुल्या हातात असत
वाकणं आणि वाकवणं अपुल्या हातात असत
चालणं आणि चालवणं अपुल्या हातात असत
वळणं आणि वळवणं अपुल्या हातात असत
वाचणं आणि वाचवणं अपुल्या हातात असत
घडणं आणि घडवणं अपुल्या हातात असत

सौ.शारदा चौधरी ठाणे मनपा शाळा क्रमांक ९५

पाणी

पाणी
पाण्यासाठी वणवण फिरते प्रजा ही सारीे
थेंबाथेंबातूनी वाचवा हो पाणी हो पाणी(धृ)
पाणी आपुले जीवन आहे सांगे जीवनगाथा
वाचवुनि संपवू या आपण पाण्याची व्यथा(१)
दुनिया सांगे व्यथा अपुली पाण्याची न्यारी
बचत पाण्याची करूया आपण प्रजा ही सारी (२)
विहिरीतुनी हे पाणी आणिती दूर दूर जातांना
करू आपण त्यांच्यासाठी पाणी वाचवतांना(३)
 सकलजन वाचवू आपण ही आपली प्रथा
सुटेल तंटा पाण्याचा ही देशाची व्यथा(४)
इथे नाही पाणी आणि तिथे नाही पाणी
पाण्यासाठी येतात हो ओठावर गाणी(५)
पाणी पाणी हा आक्रोश करिती प्रजा ही सारी
पाणी वाचवुनि हो आपण करू दुनियादारी(६)
 डोळ्यातुनि हे पाणी येते रडते दुनिया सारी
पाण्याचा हा फरक कळू दे वाचवू पाणी पाणी(७)
ज्याला पाणी मिळत नाही हो एेका ती कहाणी
त्यांच्यासाठी वाचवूया आपण थेंबथेंब पाणी (८)
सकलजन करिती सारे पाण्याची विनवणी
थेंबाथेंबातूनी बनवू सागर होईल पाणी(९)

     सौ.शारदा चौधरी
ठाणे मनपा शाळा क्रमांक ९५

नाती गोती

नातीगोती

 घरासारखे घर अन भिंती असती
नाही आता त्यामधे नाती गोती
आई आणि बाबा अन मुल दिसती
नाही कोणी मोठा  त्यांच्यासोबती(१)
घरी आल्यावर मुले सोबत मागती
आजी आजोबा सम कोणी नसती
आई बाबा सारखे लाड करीती
सोबतीला सवयींना खाद्य पुरविती(२)
आजी असती घरचे जेवण देती
नाही समजत नाती अन गोती
 जीवनाचे अर्थ सारे संपून गेले
उदासीपण आता जीवनात आले(३)
नाही नाती गोती  नाही जिव्हाळा
कधी कळणार आयुष्याचा ताळा
आपुल्या जगण्याला घाला आळा
कधी कळणार हे सत्य कुणाला(४)
सांभाळा आता आजीआजोबाला
जीवन होईल सुखी मंत्र हा नवा
जीवनाचे सार कोणा  समजले
त्यांच्या घरी नातीगोती आले(५)

                 सौ.शारदा चौधरी
      ठाणे मनपा शाळा क्रमांक९५